Kleo Invest var stofnað af Önnu Lilju Malmquist með það að markmiði að efla fjárhagslegt sjálfstæði Íslendinga og gera fjárfestingar aðgengilegar öllum. Anna Lilja er menntaður viðskiptafræðingur frá Háskólanum í Reykjavík og hefur 25 ára reynslu af fjárfestingum bæði á innlendum og erlendum mörkuðum.
Við trúum því að allir eigi rétt á að skilja hvernig fjárfestingar virka, hvernig það er hægt að ávaxta peninga, og hvernig hægt er að byggja upp fjárhagslegt öryggi til framtíðar.
Okkar hlutverk er að kenna fjárfestingar á mannamáli. Við brjótum niður flókin fjármálahugtök og miðlum hagnýtri þekkingu á skýran og aðgengilegan hátt svo fleiri geti tekið upplýstar ákvarðanir um eigin fjármál.
Sagan á bak við nafnið
Nafnið Kleo Invest er innblásið af Kleópötru, einni áhrifamestu leiðtoga sögunnar. Þegar hún tók við völdum í Egyptalandi stóð ríkið frammi fyrir miklum fjárhagslegum og pólitískum áskorunum. Með framsýni, seiglu og sterkri fjármálastjórn tókst henni að viðhalda stöðugleika og velmegun ríkisins um árabil.
Saga hennar minnir okkur á mikilvægi þekkingar, sjálfstæðrar hugsunar og getu til að taka skynsamlegar ákvarðanir þegar mest reynir á. Þess vegna varð Kleópatra innblástur að nafni fyrirtækisins.
Gildin okkar
Við byggjum starfsemi Kleo Invest á þremur meginstoðum:
Vald
Þekking skapar vald. Við viljum færa fólki þau verkfæri og þá þekkingu sem þarf til að taka stjórn á eigin fjárhagslegri framtíð.
Sjálfstæði
Fjárhagslegt sjálfstæði veitir frelsi. Frelsi til að velja, frelsi til að skapa og frelsi til að lifa lífinu á eigin forsendum.
Jafnrétti
Við trúum því að fjárfestingar eigi ekki að vera forréttindi fárra. Allir eiga að hafa aðgang að sömu grunnþekkingu og tækifærum til að byggja upp eignir, óháð bakgrunni eða reynslu.
Markaðsmál á mannamáli
Fjárfestingar þurfa ekki að vera flóknar. Það á enginn að þurfa háskólagráðu í fjármálum til að ávaxta sparnað sinn á skynsamlegan hátt. Markmið okkar er að gera fjármálaheiminn skiljanlegri, aðgengilegri og opnari fyrir alla sem vilja byggja upp sterkari fjárhagslega framtíð.